錦丼 (iSQUARE國際廣場) (已結業)

有日放工約咗朋友嚟睇戲，但係朋友有事遲咗度，咁唯有自己搵嘢食住先！行過見到呢間冇咩人，啲嘢又好似唔係太貴就入咗去時，店員都好好，見我一坐低就同我講銀聯卡有八折定八五折，所以就諗住叫個平時都未必會叫嘅當飯試吓！而揀呢個飯嘅原因並唔係因為上面嘅金箔，而係佢嘅刺身係本身Menu冇，所以一試！一想到枱，其實好細碗，特登影埋個盤可以睇到個比例！講返入邊嘅刺身，隻牡丹蝦都算新鮮，其實金泊冇乜味嘅，所以純粹都係影張相，但係又唔覺得影張相出嚟會靚啲！至於啲三文魚子，還可以，唔會有怪味但係又未算非常新鮮嘅感覺！海膽就真係好麻麻啦，食落唔係太新鮮，而其他蝦就非常細隻，所以其實成碟都只可以話係一般，但係呢碗野原價要二百幾蚊確實係有啲貴另外再點左個香蒜牛肉粒食，同個刺身飯一樣都係偏細，好彩都係自己一個人食，最後食唔晒上面嘅飯，但係都食晒啲牛，但係牛嘅蒜蓉味唔夠足，又唔夠香口，其實都係一般！