鼎泰豐

营业中

休息中

朋友生日去食飯，壽星仔話想去呢一間，咪去試吓囉。講真，我自己係一個小籠包痴，勁鐘意食，所以聽到話去鼎泰豐，我都抱有幾大寄望。話說星期六約好七點半，我七點已去攞位，我啉八點前應該可以食呀。結果真係八點左右有枱，點知有個朋友未到。五個到咗四個都話唔入得，我知佢哋旺，但係比人入咗先會死咩，雖然佢比我哋優先入，但係我個friend八點十分到，我哋都要成八點半先有得入。呢樣嘢我幾唔滿意囉。等個半鐘，食四十五分鐘，唔係好成比例。嘢食方面。我至愛慨小籠包都算唔錯，不過唔知點解我覺得凍得好快，上枱後一分鐘內唔食的話個小籠包已經唔熱啦。但係個味真係幾唔錯。蟹粉個隻我唔欣賞，覺得好腥。擔擔面唔錯，其他面就唔得。小食方面真係唔得，由其是個四季豆。一個字“差“。最後個荔芋包就真係唔錯。總括嚟講，只係原味小籠包同荔芋包得囉。五個人八舊其實都唔算太貴，不過就係覺得唔值。比呢個價去覇王山莊好過。不過有一樣就係服務態度真係唔錯，集團式可能就係呢一樣好囉。