水鴨朱椰子雞 (已結業)

今晚同朋友喺大角嘴一齊去食生日飯，之前都有留意呢間食店嘅，但係一直都冇時間過去食，今晚趁有朋友生曰就過咗去試，一入去見到環境都幾好，座位整齊，檯與檯之間，間隔都好闊，坐得好舒適 ，一坐低叫咗個招牌海南椰子文昌雞，好快就上咗檯 ，一開着個爐 陣陣椰香飄散入鼻 ，然後個侍應就會幫你冚住蓋隔離擺咗一個時間鐘仔 設定好晒時間就會幫你關火。然後焗一陣就可以食得，一試，啲雞係彈牙的口感 好滑 啲椰子湯同出邊普通食嗰啲椰子雞嘅味道係兩回事，又清甜清香，立刻飲咗一碗 好正好正！啲雞嘅肉質同普通食開嗰啲雞係兩樣野，係真嘅我唔會呃自己，然後叫咗一條油浸筍殼魚 條魚外皮脆得來又唔乾，啲肉質又唔會鞋颯颯，跟住一個椒鹽鴨舌，份量都頗多，又係出邊炸得夠香，入面唔會乾到紙皮咁，夠味好食！然之後帶咗一碟手切肥牛肉 一份蘿蔔，一份超甜粟米，一份雜菜，三支啤酒生力 四罐可樂 一份薯粉 圓滿結束的生日飯 ！侍應服務態度好好，會經常幫你清理枱面夏蘭，經常主動問你需唔需要加湯 好友善