影片
更多
2024-05-23
30 浏览
剛去完泰國旅行，食得煎炸酸辣嘢多，家人好掛住中菜。今日就帶佢地嚟到佢地之前食過返尋味狂讚的上海婆婆336食上海菜。點完菜之後我哋發現原來餐廳出咗新嘅菜式，例如：蟹粉賽螃蟹多士、飄香鳳梨雞、蝦籽蝦仁等等，見到其他枱的食客有叫到，樣子好吸引咁。尤其是那個蟹粉賽螃蟹多士，滿滿的蟹粉好邪惡，下次嚟一定唔可以再錯過。韭黃炒鱔糊$118媽咪指定要食嘅菜式，果然冇失望，炒得有鑊氣又惹味。韭黃爽嫩，鱔糊火候剛好，不會腥，份量亦足。松子雞米配叉子$98 雞肉碎炒得乾爽，混合埋啲松子芹菜粒，馬蹄粒，食落夠爽口又香。將肉碎滿滿的放進叉子，一口咬下去，好滿足。彩麻柚子蝦$148 大蝦已經剝晒殼，食落啖啖肉，肉質爽口彈牙。個醬汁係用柚子做的，好多柚子肉，個蝦食落好清新，沒有油膩感。336小籠包$46招牌菜式點都要食，個小籠包皮薄餡靚，一咬下去，湯汁便爆發出來，超正。上海大雲吞（六隻） $62大雲吞大大隻，裏面除咗肉餡外仲有白菜，食落爽口不會膩。上海粗炒$85上海粗炒嘅醬油味好香甜，肉絲，冬菇絲及蔬菜絲好足料，粗炒口感帶點煙靭，不會腍啤啤，炒得不錯。黃金炒飯$88個炒飯好香，散發着鹹香的鹹蛋黃味，簡單的配以雞蛋和
韭黃炒鱔糊$118
媽咪指定要食嘅菜式，果然冇失望，炒得有鑊氣又惹味。韭黃爽嫩，鱔糊火候剛好，不會腥，份量亦足。
松子雞米配叉子$98
雞肉碎炒得乾爽，混合埋啲松子芹菜粒，馬蹄粒，食落夠爽口又香。將肉碎滿滿的放進叉子，一口咬下去，好滿足。
彩麻柚子蝦$148
大蝦已經剝晒殼，食落啖啖肉，肉質爽口彈牙。個醬汁係用柚子做的，好多柚子肉，個蝦食落好清新，沒有油膩感。
336小籠包$46
招牌菜式點都要食，個小籠包皮薄餡靚，一咬下去，湯汁便爆發出來，超正。
上海大雲吞（六隻） $62
大雲吞大大隻，裏面除咗肉餡外仲有白菜，食落爽口不會膩。
上海粗炒$85
上海粗炒嘅醬油味好香甜，肉絲，冬菇絲及蔬菜絲好足料，粗炒口感帶點煙靭，不會腍啤啤，炒得不錯。
黃金炒飯$88
個炒飯好香，散發着鹹香的鹹蛋黃味，簡單的配以雞蛋和蝦仁，個炒飯已經好好味。
豆沙鍋餅$55
最後食埋甜品，個豆沙鍋餅係即叫即做，熱辣辣皮脆，豆沙餡香甜。
總括而言，呢度嘅食物質素不錯，而且時不時有新菜式，保持新鮮感，回頭率高。
张贴
