琉金穗月

营业中

休息中

琉金穗月，位於石硤尾賽馬會創意藝術中心1樓。唔係得閒想睇吓個手作市集都唔會黎喱區。冷氣唔夠，通風又差，所以環境好焗促。聽聞有一部份嘅餐廳係以懷舊做裝修主題，但只在假日開放，所以我無緣參觀。但坐係其他位都算舒服，因為始終枱同枱之間空間都算寬敞。自助形式落單，然後服務員會送上你張枱。帕馬火腿配日本南瓜汁意大利麵($58)南瓜汁太稀，而且冇味。意粉太腍，口感差。份量太少，正常成年人唔會夠飽。Green Tea Latte(價錢忘了)賣相好醜，個人唔明上面個一堆綠色粉末係想點，一黎冇味，二來唔靚。味道仲有點怪...冇綠茶味之餘，仲有奶油味，結果我飲左2啖就放棄左。下次唔會再黎喇。