金羅道韓國餐廳 (已結業)

同朋友本來去觀塘另一間餐廳聚，點知去到發現冇開，我地又咁啱係街見到呢間餐廳既易拉架，所以就試下新野。餐廳入面就係好普通既擺設，幾張木檯同木椅，近門口有部電視播kpop MV，環境就一般。平日晚飯時間都係得3、4張檯有人。我地4個人就叫左個部隊鍋，炸雞，石鍋飯同燒牛肉飯。石鍋飯味道一般，同其他餐廳差唔多。燒牛肉飯D牛肉超少，又唔好味。炸雞份量都好少，同我係韓國食既炸雞比應該一半份量都冇，但係價錢差唔多。咁我係香港食份量少d都可以理解既，只不過仲要好難食，完全唔脆，仲難食過KFC既炸雞！真係完全唔值呢個價囉！之後到部隊鍋。部隊鍋入面完全冇咩野食，係得個公仔麵、幾塊年糕同其他配料，而且仲麻麻地好食。唔算太辣，但冇咩特別既地方。以韓國菜黎講，呢間價錢都合理，但食物質素太差，一定唔會有下次。