四寶食堂，我之前食過晚市，前幾日過開去港島，經過又到tea time 🤤所以試下佢D下午茶餐。
同朋友叫左2個下午茶餐，再加多個菠蘿油🤩全部炸野，真係極邪惡，但真係好鬼正😂
1
炸魚柳+薯條：$40幾蚊，咁大塊炸魚柳，魚柳肉好滑👍🏻再加超香脆炸漿，真係外脆內軟🤤
咸蛋醬雞翼+薯條：咸蛋醬超多呀🤩好邪惡，每隻雞翼都塗滿咸蛋醬，配香脆炸雞翼，雞皮嘅油同脆+咸蛋醬嘅咸同香！！！真係好正！好邪惡！！！
食唔夠喉，我地仲追加左個菠蘿油+特飲雪山阿華田🤤
菠蘿包皮仲係脆ga 🤩牛油又滑，如果再多啲牛油，會更加正。
雪山阿華田，又靚又好飲，面頭D cream 打得好滑😋唔錯
總結：下午茶set D價錢全部都係$30-$50 ，份量仲唔少，係幾抵食👍🏻😋
