廉記冰室

营业中

休息中

返工放早，趁有太陽就出去散個步由科學園行去大埔。到咗廣福邨，見又未過下午茶時間，醒起附近有間茶餐廳好耐冇食過就過嚟食番個下午茶。屋村嚟講，呢間茶餐廳都比較大，下午茶又唔算多人，唔太嘈，座位係幾闊落，hea就ok但係就闊落得滯，食嘢嘅時候要傾前少少食有啲攰。因為晏所以出到嚟就焗雞扒飯，茄汁底偏酸但都幾開胃。芝士都幾有誠意落得幾多又拉到絲。同埋下午茶焗飯都配炒飯底，其實真係唔差。塊雞扒雖然得一塊，但係都幾夠厚。不過杯凍檸茶就細杯啲，唔係好夠飲。