微辣大排檔 (已結業)

今日下午3點3左右黎到新城市廣場，見到呢間微辣大排檔，剛好想食少少野又唔想太飽，於是便入去呢間舖。入面裝修頗為特別充滿懷舊色彩，其中一個位置是模仿小輪卡位，地磚也是懷舊色彩的舊香港。用q r code開始點餐，我點了雞翼薯條瓦煲凍咖啡，利強記奶油格仔餅加凍檸茶。大約十分鐘便送到上枱，瓦煲咖啡味道相當之好比平常的茶記咖啡更加好味呢個大家必須試試。雞翼剛剛炸好非常香脆唯獨是內裏沒有味道，薯條送上來是凍的非常可惜，奶油格仔餅非常好味香脆加上奶油非常之好味，而且價錢都非常之平下次到來我必須在點這個。