廚尊

营业中

休息中

同朋友黎到廚尊食下午茶，首先，入到去，地方好寬，而且樓底好高，好有空間感！我地叫左三樣野食，兩杯飲品，而首先食既係咖央多士，當中既咖央醬係自家製，新加坡美食之一，而中間有點牛油，令整體感覺更香滑，更香口，而個醬又唔會太濃，味道適中，同朋友一人一件剛剛好！之後，再食海南雞飯，醬汁方面有醋，甜醬油，薑蔥，上湯，重有雞肉方面，好嫩滑，而雞皮又唔會太油，加上d前菜酸酸甜甜味道，食左好開胃，加上，d雞肉冇骨，啱晒我地，而且個上湯都好鮮味，整得好有心思！到左rojak，有黃梨，番石榴，青瓜，砂葛，青芒果，青蘋果，蝦膏，辣椒，糖，花生，油條混合在一起好有健康感覺，食左又開胃，加上當中各款材料既味道都唔會搶左另一種食物味道，十分好味，而且當中既油條脆卜卜，好香口，而且又有生果，配合在一起，口感豐富！我哋叫咗兩杯飲品，分別係南洋咖啡，同埋恐龍脆脆，南洋咖啡少少帶甜，但唔好太甜，甜度適中，加上好香既咖啡味，好醒神，而恐龍脆脆，當中有美碌嘅味道，下面係美碌飲料，上面有美碌粉，有得飲之餘，重可以食埋，一舉兩得！