意粉屋 (已結業)

曾幾何時我係另一間分店食過一次，試過佢地既肉醬意粉，竟然係冇味。。。之後我就冇再幫襯過。但今次因緣際會下我終於再一次幫襯。今次就叫左個巴馬臣芝士肉醬意粉，另外加埋個酥皮龍蝦湯。先講下個龍蝦湯， 入口的龍蝦味幾香濃, 食得出係有蝦餚過。 但係個酥皮就焗得唔多夠，唔夠鬆化。至於個意粉，今次終於冇失望～有濃郁的芝士味，意粉硬度適中，炒得好香～ 味道都唔錯~不過分量就唔太多，但下午茶唔可以太計較啦。今次總算令我對意粉屋有返啲信心啦～