雍雅海鮮酒家 (已結業)

噙日唔駛返工，於是同屋企人黎牛頭角飲吓下午茶。由於都好多人等位，於是同細妹分別於三家酒樓取飛攞位，結果，因為呢間先有位，所以大家便來這兒試試。呢度下午茶由兩點開始，幸好兩點半已有位!哈哈! 其實，我都係2:10PM先開始等位，都算快啦! 入到黎，被編到全場唯一一張半圓梳化位，當然滿意啦!酒樓裝修都幾簡潔舒服，而且也不設搭枱，希望可繼續保留呢個特點啦! 食物方面，其實相比同區同集團的明星酒家，食物選擇比較少，特價粉麵的選擇也不多。所以大家都是選擇較大路的點心，估唔到流沙奶皇飽的賣相頗特別(如圖)，雖然沒有流沙效果，但味道也不俗。還是明星的食物味道比較勝一籌呢!我最喜愛的是生煎包，味道不俗。價錢都算大眾化，五人合共也是$145。服務普普通通，可能人手不足，每次添加水都要等很久才有侍應生幫忙，希望可作改善啦。