貴族甜品 (已結業)

中秋節難得早收工，當然是趁機去接仔放學再係附近搵下野食。朋友話這間貴族甜品有甜品放題，價錢便宜，但我們就當然唔會食放題，對我來說，太heavy同唔健康了。我跟兒子各自點了一客甜品，都是以芒果為主。兒子所點的是陽光小子，大大碟的芒果綿花冰配上小丸子及紅荳，旁邊還有幾舊頗甜的芒果，味道還可以。我點的叫星空，芒果冰底配上西米及龍眼肉，味道淡，即使將芒果冰撈勻，味道依然淡，完全食唔到芒果味，西米黐埋一舊舊，有啲仲要係白色未煮透的，稍遜！兩個甜品合共$75尚算合理。但如果食到放題就真係超抵了。