吓! 要等位仲要去? 因為多數茶樓到下午茶時段都會得『小貓一兩隻』人客, 但這裡日日都要等位, 一定好抵食或者好好食啦..... 試試先!
去到等了兩分鐘就可以入坐, 但真的坐無虛席!
特價食物不多, 我們點了一些抵食夾大件的點心, 包括:
煎餃 -- 好好味, 幾大隻, 一碟有三隻, 有肉汁, 餃子底煎得香口。
糯米卷 -- 細細件, 但有四件, 味道都唔錯, 有口感又不會太硬。
义燒包 -- 普通, 無乜特別, 可以啦。
脆麻花 -- 好正, 好脆, 蜜糖味夠香甜, 又唔覺油膩, 真係好好食。
肉片皮蛋粥 -- 豬肉片太大片, 如果細片一點會易入口一點, 肉質不夠滑, 皮蛋亦不夠靚, 臭臭地, 而粥底則很綿。
燒肉飯 -- 大大碗, 燒肉比較肥, 但外皮很脆。
這餐不過不失, 三人吃了約100元, 都算抵食吧!
