香港達人 (新翠商場) (已結業)

焗豬扒飯焗豬扒飯我都算係幾常叫的食物之一。通常一個星期起碼叫一次，可惜嘅係只會叫公司飯堂的焗豬扒飯，雖然質素一般，我仍然會叫著吃。由於今日放假, 有機會係其他餐廳食到焗豬扒飯。平時在公司食嘅焗豬扒飯似乎係一早預備好晒，放喺個蒸爐度保持溫度，感覺實在麻麻。今次食呢間，佢係即叫即焗嘅。但都係等左10分鐘左右，都算幾快。這一個焗豬扒飯餐包飲品$40，雖然係下午茶餐個list嗰度, 但份量一點也不下午茶。先講個汁，分量合適，味道唔算太重，蕃茄味適中，最重要嘅係佢唔算太酸。因為如果太酸，成個飯就好難入口了。醬汁裡有兩舊蕃茄肉，雖然唔多，但總好過冇。最令我欣賞嘅就去佢個炒飯底，乾爽而且香口，沒有黐埋一舊。豬扒都夠腍。