老媽拌麵 (THE FOREST) (已結業)

今次我地下午係旺角行街行到攰攰地，想坐食個麵飲杯野就黎咗The Forest 2/F 既老媽拌麵😋下午茶都好多選擇，有麵有飯有蛋餅同刈包，跟一杯飲品或加錢選擇特飲，另外可以加$22追加台式小食，小食都有12款咁多🤩我地叫左椒麻手撕雞拌麵餐（$62）係人氣熱賣，一於試一試！可揀幼麵或者刀削麵，我覺得幼麵會入味D，所以揀咗幼麵，麵質彈牙煙韌，手撕雞份量夠多，麻椒味好香，辣度我覺得唔食辣既朋友仔都食到，越食越開胃飲品揀咗鳳梨茉莉茶（+$10）唔會太甜同揀少冰真係好少冰！有士多啤梨，蘋果，菠蘿，熱情果，鳳梨，好多水果，好好飲另追加了小食炸地瓜條，新鮮即炸，熱辣辣又甜，推介追加👍🏻第二個餐揀咗台式原味蛋餅（豬肉鬆）配沙拉 （$52），簿簿既蛋餅包住多層肉鬆，生菜，蕃茄及沙律醬，材料好多，又係開胃之選✌🏻飲品揀咗荔枝綠茶（加$10$）有荔枝肉食，飲落都好清爽同唔會太甜，最欣賞係真係好少冰😄小食追加左蒜香麻辣火鴨腎，份量都多，酸酸辣辣，值得一試下午茶成日食茶餐廳，想食特別少少，揀杯水果茶飲，呢間都係一個好的選擇