桂花小幸 (元朗廣場)

营业中

休息中

間中都會黎桂花小幸食野，一黎位置係元朗廣場夠方便，二黎佢下午茶選擇多又唔貴，是日又黎左食Tea。星期三下午時段唔算人多，過左放飯就唔使等位，一黎到就有枱真幸運，仲有對面張卡位啱啱走添。用qr code落單好方便，仲有少甜少冰走青等選擇，簡單易用。🍥椒鹽花枝丸麵食物好快就到，叫了碗花枝丸麵，湯底要左紅燒牛肉湯，麵條要了台灣麵。先嚐嚐湯頭，好鮮甜帶微微辣，啱口味。麵條有咬口，都幾有咬口。椒鹽花枝丸都好彈牙，即炸熱辣辣，唯炸粉厚左少少要扣分。另外仲加左份小食滷蛋，滷得都幾入味。🥟煎餃子配桂花雞翼朋友話佢食左野，叫份輕食就算，叫左呢份特價下午茶兩隻餃子配兩隻雞翼。餃子皮厚有咬口，餡料鮮味唔錯喎。雞翼係炸雞翼黎，無特別調味，而桂花糖係分開上的，想食幾甜可以自己揀。🧋熱黃金蕎麥茶&凍仙草奶茶跟餐送的熱蕎麥茶好香口，飲落順喉舒服。另外再加配了杯仙草奶茶，茶底幾香，揀左微甜啱啱好。傾下偈飲下野，輕輕鬆鬆的下午茶。