意粉屋 (已結業)

好耐冇去 Spaghetti 食嘢啦，一於食番个 tea 先。這一間在雅蘭中心，地方寬敞，環境清静，但客人很少。我們入座後，唔知係咪因為坐係轉角位，嘗試揮手落單，足足10分鐘也冇人埋我，最後有位㕑師代我們叫侍應。這時段咁少客，真不明白他們忙什麼？定去左揸流灘。吾理啦，我們叫咗2个下午茶餐，一份是 pizza，另一份是波菜意粉。波菜汁濃淡適中，又唔！會過鹹，意粉份量足，唔會話未煮熟或者熟到爛，水準發揮。pizza 有4件，上面有菠蘿、青椒、 火腿、辣肉腸及茹，至於餅底也算脆口，配少少沙律菜，可惜pizza蕃茄醬少，而且芝士也不算多，整體味道，麻麻地啦。講真服務真係有很大改善空間，啱啱先拿起最後一塊pizza，侍應問都冇問就拿走我的碟！嘩大佬，仲未食完呀！落order又冇人埋，未食完就急住收碟😥已經係下午茶時間，又係度趕咩呢？？以價錢計，都算經濟。如果只想找个地方靜靜傾計，這裹也是一個選擇。