金加利餐廳 (已結業)

踏入八月真係忙到連食評都無時間打，呢餐是上星期的午餐﹗地盤忙鑽探，我是管工就當然責無旁貸，連吃飯的時間也沒有，成三點先可以行出地盤搵個晏食下﹗來到金加利有下午茶，雖然好耐無食不過都記得呢度焗飯最出名，下午茶只係廿四蚊就要左個芝汁吞拿魚意粉﹗即叫即焗，要等十幾分鐘是必然的，未吃已聞到濃濃的芝士味，吞拿魚份量下得相當多，撈勻之後仍啖啖有魚香，亦都因為個汁未算太濃令整個意粉好重吞拿魚既沉實香氣，如果個芝士汁再杰一點，令芝士味道更濃會更惹味﹗包埋凍飲只係廿四蚊，真係抵食，怪不得下午茶門外有人排隊，可知一二﹗