尼斯餐廳 (已結業)

今日又嚟食下午茶，其實都已經差唔多五點半，嘻嘻。今日叫咗芝士焗肉醬意粉，另外加錢配羅宋湯，餐飲都係熱華田。因為喜歡飲呢度嘅羅宋湯，所以要另外加錢都照叫，濃郁嘅湯，帶好輕味嘅辣味，加上湯料十足，真係唔錯。肉醬意粉份量都唔少，香噴噴嘅肉醬意粉，表面有少少溶咗嘅芝士，另外有粟米點綴下。肉醬係牛肉，牛肉味甚濃，茄醬唔同平時較紅同較酸嘅味道，更加合我心意。而意粉仍然保持彈性，唔會太腍，確係唔錯。甜度適中嘅熱華田一個下午茶餐當晚餐食都幾化算，而且有質素，係我屋企附近西餐嘅首選。