影片
更多
2013-06-07
256 浏览
今日我地一行四人行經尖沙咀寶勒巷見到尼間泰國餐廳好似唔錯，而且有下午茶同我想食嘅撈檬，所以我地就決定一試！當我地行入店舖，望到周圍嘅裝飾都好有泰國feel，但就一個客人都冇（或者係午餐時段過後所以食野嘅人較少掛）。坐低後有位服務員（泰國人）過黎幫我地落單，我地叫左4個茶餐（包括：2個香茅豬扒撈檬，2個香茅牛肉撈檬同4杯飲品）再加左生蝦同酸辣鳳爪，本來4杯飲品我地想先叫3杯試左個味道先，但服務員就同我地講“要叫就一齊叫埋，唔叫陣間就冇架啦！”，本來都唔明佢話陣間就冇係咩意思，心諗可能廚房d人陣間落場先咁講，所以都冇特別去理。等左一陣d野食到齊啦，先試左個兩款撈檬都好足料，而且味道唔錯，但有少少撈檬黏埋一舊，不過都唔太影響整個撈檬。另外生蝦嘗算新鮮，沾嘅醬汁好好味又開胃，而酸辣鳳爪賣相唔錯，但味道一般，同係出面其他餐廳嘅差不多。食野期間，服務員在我地身邊掃地，掃把差不多掃到我雙腳，又冇叫我地讓一讓開，咁我都冇出聲…！過左一陣，服務員又係我地身邊拖地，拖到我地枱底時依然唔會叫我地借借，就咁就將把地拖係我地枱底拖過，仲唔小心拖到我，我當時都淨係同個服務員講“你唔小心拖到我”，但個服務員已經冇咩
等左一陣d野食到齊啦，先試左個兩款撈檬都好足料，而且味道唔錯，但有少少撈檬黏埋一舊，不過都唔太影響整個撈檬。另外生蝦嘗算新鮮，沾嘅醬汁好好味又開胃，而酸辣鳳爪賣相唔錯，但味道一般，同係出面其他餐廳嘅差不多。食野期間，服務員在我地身邊掃地，掃把差不多掃到我雙腳，又冇叫我地讓一讓開，咁我都冇出聲…！過左一陣，服務員又係我地身邊拖地，拖到我地枱底時依然唔會叫我地借借，就咁就將把地拖係我地枱底拖過，仲唔小心拖到我，我當時都淨係同個服務員講“你唔小心拖到我”，但個服務員已經冇咩禮貌咁應我“咁即係證明我有做野囉”！當時我真係好嬲，我已經係坐最入個個都已經俾佢拖到，雖然我冇問其他人有冇俾佢拖到，但我相信佢地都應該有俾佢拖到…！我見個服務員咁嘅態度，我就再同佢講多次“你唔小心拖到我隻腳”，但佢依然係冇咩禮貌咁同我講“咁拖到你丫，咁咪同你講聲唔好意思囉！”。聽到佢用咁嘅語氣同態度應我，我就問佢“你唔可以陣間先做清潔？或者你要掃或拖嘅時候叫我地借一借俾你都得掛？”。之後佢見我咁問佢，佢就走過黎講“我地晏晝尼個時間其實唔做架啦！”，然後我反問佢“咁你又唔掛休息牌？我地入黎問你有冇撈檬你又答我地有？而且你外面個牌都寫明下午茶到5點，我地入黎嘅時候都係2點45分左右，你唔做就應該一早同我地講！”，佢聽完應都冇應我就咁就走左入廚房連應都冇應過我…！我地都好快咁食完d野就走，都唔想再留咁耐！！
题外话/补充资料：
整體黎講食物質數都唔錯，價錢都唔算便宜，埋單三百幾蚊，但服務質數就真係最差！！俾錢仲要受d咁無謂嘅氣，真係俾我都唔會再去！！
(以上食记乃用户个人意见 , 并不代表OpenRice之观点。)
张贴