茶泰 (健威坊)

連續去咗一星期茶泰食下午茶, 今日先至記得寫食評, 佢嘅下午茶都有好多選擇:有船粉、飯、小食類。今日就叫咗兩個船麵, 有正常嘅豬扒船麵同埋另一個加$3轉冬蔭功湯嘅, 味道不過不失, 下午茶份量啱啱好, 另外加多15蚊有一份兩串嘅串燒, 今日食咗牛串, 所配嘅沙嗲汁偏甜, 但係都好冧好好食, 凍飲分別嗌咗檸汁檸檬茶同埋凍嘅椰香咖啡。普通湯底偏淡, 而冬蔭功酸辣適中, 兩份加曬都係102$。如果想食埋多一份茶餐基本上150$夠落樓, 時間做到夜晚六點, 當早少少食晚餐都不失為一個好選擇。