金牌

营业中

休息中

放工前嚟個小確幸～今次下午茶揀咗淘大商場入面呢間人氣店【金牌】，點咗兩款：焗蜜桃豬扒飯同印尼炒飯，一試即中😍！🍑焗蜜桃豬扒飯一上枱已經聞到陣陣芝士香～焗得金黃香脆，超級邪惡！豬扒唔係炸到乾乾地嗰種，反而係煎得啱啱好，外香內嫩，配上炒飯底勁加分。蜜桃加埋芝士竟然好夾，甜甜鹹鹹食落去唔會膩，創意又有驚喜✨🇮🇩至於印尼炒飯都有驚喜～炒飯唔算好濃味，反而清清地好啱香港人口味。面頭有煎蛋＋蝦片，視覺同味覺都好有異國風～蝦片脆卜卜，蛋汁撈埋飯一流，完全係會食到唔覺停口嗰種！兩款都係$50左右，性價比超高，平靚正下午茶唔使諗太多，金牌就係你嘅安全牌💯💛