日船章魚小丸子 (已搬遷) 新店位置

星期六去油麻地做野，趕頭趕命，到收工時已經是下晝4點幾，好肚餓但又要趕住去下場，近近地梗係去掃下街啦。去掃街，我就必定會去食章魚小丸子。記得章魚小丸子剛興起時係初中，放學後必定會去食番盒。時至今日，除了街邊既小食檔外，齋做小丸子的就只有日船了。而家做小丸子已經唔會係係你面前倒醬、落菜、落八爪魚，然後用特制既針番八爪魚丸，等多陣就可以食了。今次只係等左5分鐘，一盒熱辣辣的八爪魚小丸子就出現係你面前了。上面有「郁郁」木魚片、燒汁以及沙律醬，皮脆，咬落去不會太粉，菜多，八爪魚鬚大小剛好，吃完一6粒，就剛好行到油麻地地鐵站，又係時候預備下個job既野喇。