影片
更多
2022-04-20
316 浏览
*蝦膏豬肉碎炒飯 $45*下午茶餐餐牌上標記左“推介“，所以就叫左嚟試下，雖然係下午茶餐，但係碟飯既份量一啲都唔少，食落蝦膏味唔算話好濃，不過佢連埋好似臘腸既野落去炒，所以味道係足夠，好有鹹香味，如果啲飯可以再硬返少少就更加好。*青咖喱牛腩 配蒜蓉包 $59*青咖喱味道不過不失，正常水準，牛腩都算淋，但係個蒜蓉包反而比到驚喜我，佢嘅蒜蓉包唔係平時係出邊食硬梆梆嘅口感，而係好似炸過好鬆脆，如果叫套餐有得揀蒜容包的話，絕對推薦👍🏻*泰式柚子沙律 $94*食左咁多肉食返個沙律消滯係一個唔錯嘅選擇，呢個沙律係有勁多柚子，味道不苦不澀，而且啲蝦都好大隻，再加上佢淋上酸汁，食落酸酸地，好開胃。*風味燒豬頸肉 $100*本身都好鍾意食豬頸肉，所以見到就即刻叫左黎試下，佢碟野食嘅份量真係超級多， 足足有三大塊豬頸肉切成片，真係有返4-5個人都先好叫嚟食，豬頸肉燒出嚟個味道幾香，同埋佢係配埋一個汁，點埋個汁一齊食好惹味*泰式冰奶茶 +$0**青檸菠蘿沙冰 +$20*佢所有特飲跟餐叫都有半價，所以就叫左呢個青檸菠蘿沙冰，可以叫少甜/走甜，我就試左走甜，青檸同菠蘿嘅配搭不錯，有青檸嘅酸同菠蘿嘅香甜味，而且沙
*蝦膏豬肉碎炒飯 $45*
下午茶餐餐牌上標記左“推介“，所以就叫左嚟試下，雖然係下午茶餐，但係碟飯既份量一啲都唔少，食落蝦膏味唔算話好濃，不過佢連埋好似臘腸既野落去炒，所以味道係足夠，好有鹹香味，如果啲飯可以再硬返少少就更加好。*青咖喱牛腩 配蒜蓉包 $59*
青咖喱味道不過不失，正常水準，牛腩都算淋，但係個蒜蓉包反而比到驚喜我，佢嘅蒜蓉包唔係平時係出邊食硬梆梆嘅口感，而係好似炸過好鬆脆，如果叫套餐有得揀蒜容包的話，絕對推薦👍🏻
*泰式柚子沙律 $94*
食左咁多肉食返個沙律消滯係一個唔錯嘅選擇，呢個沙律係有勁多柚子，味道不苦不澀，而且啲蝦都好大隻，再加上佢淋上酸汁，食落酸酸地，好開胃。
*風味燒豬頸肉 $100*
本身都好鍾意食豬頸肉，所以見到就即刻叫左黎試下，佢碟野食嘅份量真係超級多， 足足有三大塊豬頸肉切成片，真係有返4-5個人都先好叫嚟食，豬頸肉燒出嚟個味道幾香，同埋佢係配埋一個汁，點埋個汁一齊食好惹味
*泰式冰奶茶 +$0*
*青檸菠蘿沙冰 +$20*
佢所有特飲跟餐叫都有半價，所以就叫左呢個青檸菠蘿沙冰，可以叫少甜/走甜，我就試左走甜，青檸同菠蘿嘅配搭不錯，有青檸嘅酸同菠蘿嘅香甜味，而且沙冰都算綿滑，值得一試
张贴
