喜惶點心專門店

平安夜夜晚都應該無一餐正餐食，先去左旺角食個下午茶先。今晚一定玩到好夜，所以就諗住搵個飲中茶既地方，飲多2杯中茶醒神今晚玩。見到喜惶呢間點心鋪又有下午茶餐，又有杯中茶飲，就入左去🥳🥳🥳

叫左個$48下午茶餐，連咪茶錢$52，好抵食，好飽。

蒸鳳爪排骨飯。
飯好夠熱，亦唔會太爛，好乾身。蒸飯最怕d飯爛哂又濕，但呢個唔會。餸分量豐富，味道可以。

蒸蟹肉菜苗燒賣
燒賣餡料食到一粒粒豬肉，唔係一pat肉醬，好高質！

太肚餓食到一半先影相😂 仲有2粒燒賣。

其實佢呢到出名係牛肉製品，不過未有機會食到，下次再黎食。