招點薈 (已結業)

好朋友帶我嚟呢間新開嘅cafe,佢話試過呢度啲嘢食幾好食叫我試下本來想嚟試下佢呢度嘅lunch set,但係因為晏咗所以已經轉咗下午茶menu,唔緊要,咁就試下佢呢度嘅tiramisu同咖啡啦呢度裝修簡簡單單都幾精緻,而且呢個位置遊客比較少,下午時候黎chill下係幾開心!講返個蛋糕,酒味好重好香濃,食得出好足料,雖然價錢一啲都唔貴,但完全唔hea,鍾意食酒味重嘅話就會好鍾意🍰而我點左一杯iced cappuccino,老實講我都幾驚係cafe order coffee,因為好多時d cafe都沖得好苦,無理到個shot係咪死既都照俾客人飲,搞到d水準好參差。點知呢度竟然有驚喜 杯凍嘅cappuccino好滑好香,有咖啡味但係唔會苦,CP值高!!另外,朋友就點左熱嘅咖啡,除咗有拉花之外,味道都係好好飲熱latte比凍嗰杯更加香滑,值得一讚。