小島•澳門菜 (已結業)

朋友話要去SOGO買嘢，趁今日放假，我哋就一齊去咗銅鑼灣shopping！下午就同朋友喺銅鑼灣時代廣場小島澳門菜食飯，貪呢度夠好坐，環境清靜舒服，最啱就係渡過一個悠閒的下午，今日仲喺呢度撞到朋友添，世界真係細。今日叫咗一個十月初五蝦籽松露意大利麵，個汁濃度剛剛好，好香，未食都聞到香味😋朋友好鍾意食魚，所以叫左個燒焗盲鰽魚伴檸檬牛油汁煮海蜆，有海鮮又有魚，一次過滿足曬兩個願望，魚都幾新鮮嫩滑，味道鮮甜。