魚米家魚湯米線 (已結業)

呢日因為唔太肚餓所以就到下午茶時段先食野，入左呢間魚米家，環境乾淨光猛，唔會好似好多粉麵店咁咁逼。我要左個香茅豬扒米粉，只係$32仲連埋熱飲，豬扒都有好幾舊，份量認真唔少，而且豬扒唔韌又有肉汁。至於個番茄湯底味道唔算濃郁，不過清清地都唔錯，米粉亦夠完整唔會話碎晒咁。另加$5要左一碟炸魚皮，都幾大碟，雖然食得出唔係自家製作，都係一般工場貨黎，不過只係需要$5就係好抵既!!