影片
更多
2016-04-25
574 浏览
星期六嘅下午，難得抽空可以同朋友到銅鑼灣行街購物，物質上有所收獲後，亦到要滿足五臟六腑嘅需求。同朋友黎到炑八，見每個下午茶都係$48, 價錢相當經濟，所以除左每人要一個set之外, 仲挑選左小食同甜品，令大家食得飽飽。先有韓式地道小食，海帶及泡菜味道絕對不是普通加工食品，而係新鮮醃製，食得出味道更天然。而餐前沙津亦盡見誠意，爽脆嘅生菜，適量嘅芝麻醬，健康之餘又令人胃口大開！原本我同朋友都以為下午茶份量應該會相對輕盈，但原來份量十足。芝士雞肉串燒，以紅椒綠椒點綴嘅芝士，濃而不膩，軟綿嘅芝士包裹著嫩滑嘅雞肉，令人食個不停！而鐵板LA骨配粉絲同樣值得推介。牛仔骨唔會燒得過熟，醬汁亦唔會過咸，肉香牛嫩，惹味非常，配以彈牙嘅粉絲，係我二話不說嘅選擇！此外，跟餐嘅兩道小食，同樣令人津津樂道。熱騰騰嘅芝士粟米，入口清甜爽口; 而韓式煎餅餡料豐富，磨得夠細膩嘅紅豆蓉跟爽口嘅瓜子粒配搭令人驚喜，亦有果腹嘅感覺。最後係甜品時間。我地分別要左一杯青提子特飲及藍天使特飲，清新而唔會太甜嘅味道，非常適合夏天飲用。而最令我地引頸以待嘅就係Oreo朱古力綿花冰。綿花冰上鋪上厚厚嘅可可粉，上面還加插brownies,
同朋友黎到炑八，見每個下午茶都係$48, 價錢相當經濟，所以除左每人要一個set之外, 仲挑選左小食同甜品，令大家食得飽飽。
先有韓式地道小食，海帶及泡菜味道絕對不是普通加工食品，而係新鮮醃製，食得出味道更天然。而餐前沙津亦盡見誠意，爽脆嘅生菜，適量嘅芝麻醬，健康之餘又令人胃口大開！
原本我同朋友都以為下午茶份量應該會相對輕盈，但原來份量十足。芝士雞肉串燒，以紅椒綠椒點綴嘅芝士，濃而不膩，軟綿嘅芝士包裹著嫩滑嘅雞肉，令人食個不停！
而鐵板LA骨配粉絲同樣值得推介。牛仔骨唔會燒得過熟，醬汁亦唔會過咸，肉香牛嫩，惹味非常，配以彈牙嘅粉絲，係我二話不說嘅選擇！
此外，跟餐嘅兩道小食，同樣令人津津樂道。熱騰騰嘅芝士粟米，入口清甜爽口; 而韓式煎餅餡料豐富，磨得夠細膩嘅紅豆蓉跟爽口嘅瓜子粒配搭令人驚喜，亦有果腹嘅感覺。
最後係甜品時間。我地分別要左一杯青提子特飲及藍天使特飲，清新而唔會太甜嘅味道，非常適合夏天飲用。而最令我地引頸以待嘅就係Oreo朱古力綿花冰。綿花冰上鋪上厚厚嘅可可粉，上面還加插brownies, oreo, 朱古力條及雪糕，多種豐富嘅甜味夾擊下，點會令人唔滿足呢？？
张贴
