茶木‧台式休閒餐廳 (已搬遷) 新店位置

今日公司好忙，做埋d手尾都成兩點多d，個肚打晒鼓，喇喇臨落樓食嘢先。行過茶木見唔駛排隊，就即刻入去喇。入到去侍應俾咗個下午茶套餐餐牌我，呢個時間入座無理由叫主餐牌食正價咁傻，於是我決定叫返個下午茶tea一tea先。下午茶都有吐司，台式小食，主食同甜品選擇，我咁肚餓就緊係㨂個主食啦。天氣凍凍哋，食返個湯麵暖胃先。最後㨂咗個紅燒牛肉麵$61，配熱柚子蜜茶。牛肉份量唔多，得三舊肉，紅蘿蔔就有兩大塊同一塊蘿蔔，個湯底配埋d 芫荽同蔥係幾香，麵嘅質地都幾好咬口，但份量唔算多，最後飲埋杯柚子蜜先夠飽。$61都唔算抵，但叫做多杯飲品同坐得舒服。