影片
更多
2018-10-30
683 浏览
細個嘅時候唔鍾意飲茶，因為覺得好悶，成日都想快啲食完快啲走。但大個咗，反而愛上飲茶。好享受品茗嘅過程，同朋友相聚，傾下近況，食下嘢，飲啖熱茶，絕唔會覺得浪費時間。所以每逢星期六或日，有時間都會去下飲茶。粉嶺海港已經試過幾次下午茶時段，點心多款揀，而且仲有特價添。··🔹黑金流沙包酒樓普遍賣嘅都係普通白皮奶皇流沙包，曾經見過坊間都有類似呢款黑金流沙包，喺未食嗰間之前，就食吓海港呢款先！一搣開個包，奶皇好足料，做到「流」出黎嘅效果！內有少少咸蛋粒，幾有口感，而且醬汁香滑又甜，唔會話太油膩。包質烏卒卒，再畫上幾筆金色筆觸，成件事變得好高級，係酒樓打卡菜之一。包身軟熟不膩，所以兩者配合起上黎唔會話過份甜，不錯！溫馨提示：流沙包要趁熱食，如果唔係凍左成個口感味覺都會變咗。🔹蠔汁叉燒包醬汁香甜，充滿叉燒粒，多到漏出黎，絕不馬虎！包質軟熟，熱辣辣，不錯！🔹鮮蝦翠玉餃呢個值得一讚！一籠三件，皮薄餡靚！每件啖啖蝦肉，爽口彈牙，水晶粉皮煙韌不油膩，有肉有菜嘅餃，其實喺飲茶黎講算係健康之選！🔹濃湯菜心唔知係咪因為有啲鹹嘅關係，呢個湯底食食下覺得有啲似薯塊味，哈哈！如果佢可以多個清湯或上湯選擇會更好！🔹排骨鳳爪
好享受品茗嘅過程，同朋友相聚，傾下近況，食下嘢，飲啖熱茶，絕唔會覺得浪費時間。所以每逢星期六或日，有時間都會去下飲茶。粉嶺海港已經試過幾次下午茶時段，點心多款揀，而且仲有特價添。
·
·
🔹黑金流沙包
酒樓普遍賣嘅都係普通白皮奶皇流沙包，曾經見過坊間都有類似呢款黑金流沙包，喺未食嗰間之前，就食吓海港呢款先！
一搣開個包，奶皇好足料，做到「流」出黎嘅效果！內有少少咸蛋粒，幾有口感，而且醬汁香滑又甜，唔會話太油膩。包質烏卒卒，再畫上幾筆金色筆觸，成件事變得好高級，係酒樓打卡菜之一。包身軟熟不膩，所以兩者配合起上黎唔會話過份甜，不錯！
溫馨提示：流沙包要趁熱食，如果唔係凍左成個口感味覺都會變咗。
🔹蠔汁叉燒包
醬汁香甜，充滿叉燒粒，多到漏出黎，絕不馬虎！包質軟熟，熱辣辣，不錯！
🔹鮮蝦翠玉餃
呢個值得一讚！
一籠三件，皮薄餡靚！每件啖啖蝦肉，爽口彈牙，水晶粉皮煙韌不油膩，有肉有菜嘅餃，其實喺飲茶黎講算係健康之選！
🔹濃湯菜心
唔知係咪因為有啲鹹嘅關係，呢個湯底食食下覺得有啲似薯塊味，哈哈！如果佢可以多個清湯或上湯選擇會更好！
🔹排骨鳳爪飯
熱辣辣送上，餸同飯嘅比例岩岩好，以下午茶時段都咁豐富，確實不錯！
🔹潮州粉果
呢到嘅潮州粉果係一籠四件，而且又大件，真係大件夾抵食！餡料好足，同埋呢到餃類嘅水晶皮做到幾好，唔會好似出面咁有好多油！
$145 兩位
📍粉嶺聯和墟和滿街8號帝庭軒購物商場1樓34號舖
．
．
環境分數：8/10
食物分數：8/10
Encore分數：8/10
．
．
🍴Foodie instagram：
🔶onqqfoodie
·
🍩歡迎follow我的插畫instagram：
🔶onqqdiary
张贴
