影片
更多
2015-10-10
3674 浏览
星期六日的午餐晚餐都比平常晏，最主要是唔願起身吧！一星期既辛勞，要好好咁補返！呢一日突然好想食燒肉，於是同吳生黎到九龍灣德福既牛角！記得當初牛角開時真的好味道，之後有段時間水準下降了，年初食過又好似回復返啲，所以決定食生不如食熟！下午4時許，店內冷清實屬正常，但店員在冷清既環境下並沒有對我倆更加熱情，反而感覺冷漠！平時會主動介紹枱上既三款醬，但今次就無啦！點左牛肋肉四品盛合（$148），黑椒蜜糖豚肉（$49），澳洲安格斯牛胸肉（$49），石碢泡菜牛肉飯（$69）！不用5分鐘就開始上菜啦！店員幫我地開爐，話1分鐘後可以開始燒啦！首先就食左牛角上肋肉，肉質有口感，不會太硬，也有牛味，加上燒肉汁，味道更佳！之後立刻燒個特上牛肋肉比較下！先係雪花既分佈已經大不同！明顯特上既雪花較多！入口就有融化既感覺，因為油脂較多，口感非常鬆軟，牛味也較濃！如果加兩滴檸檬汁應該更好味！可以均勻油脂帶來的膩！之後石碢飯也到了，加上辣椒醬，熱辣辣香噴噴！泡菜既份量較多，所以飯既味道較惹味！牛肉不會太硬，加上其他配料份量挺多！接住黎燒下蜜糖豚肉啦，豚肉往往都會燒得較un, 最主要係怕佢唔熟！加上蜜糖感覺有點衝突，但
星期六日的午餐晚餐都比平常晏，最主要是唔願起身吧！一星期既辛勞，要好好咁補返！呢一日突然好想食燒肉，於是同吳生黎到九龍灣德福既牛角！
記得當初牛角開時真的好味道，之後有段時間水準下降了，年初食過又好似回復返啲，所以決定食生不如食熟！
下午4時許，店內冷清實屬正常，但店員在冷清既環境下並沒有對我倆更加熱情，反而感覺冷漠！平時會主動介紹枱上既三款醬，但今次就無啦！
點左牛肋肉四品盛合（$148），黑椒蜜糖豚肉（$49），澳洲安格斯牛胸肉（$49），石碢泡菜牛肉飯（$69）！
不用5分鐘就開始上菜啦！店員幫我地開爐，話1分鐘後可以開始燒啦！首先就食左牛角上肋肉，肉質有口感，不會太硬，也有牛味，加上燒肉汁，味道更佳！之後立刻燒個特上牛肋肉比較下！先係雪花既分佈已經大不同！明顯特上既雪花較多！入口就有融化既感覺，因為油脂較多，口感非常鬆軟，牛味也較濃！如果加兩滴檸檬汁應該更好味！可以均勻油脂帶來的膩！
之後石碢飯也到了，加上辣椒醬，熱辣辣香噴噴！泡菜既份量較多，所以飯既味道較惹味！牛肉不會太硬，加上其他配料份量挺多！
接住黎燒下蜜糖豚肉啦，豚肉往往都會燒得較un, 最主要係怕佢唔熟！加上蜜糖感覺有點衝突，但食第二塊時已經習慣了！肉同肥膏間隔著，肥肉既位置較爽口，因切得很薄，所以肉質也不會太硬！
相比於澳洲安格斯牛胸肉就比較遜色了，雖然牛味濃，但雪花較少，肉質偏有咬勁！而骨付牛肋肉就好似牛仔骨咁，近骨既肉都係比較爽口，同樣有牛味！
最後就係壺漬牛肋肉啦，可能之前已經食得太濃味，食唔出壺漬係咩味，但因壺內有少量既洋蔥，散發住陣陣既蔥味！肉質就同牛角牛肋肉差不多吧，沒有太大驚喜！
點既份量剛剛好，2人建議點個4品盛合，可以試下不同味道！食飽已經6點多，晚餐已經陸續開始啦！我同吳生已經hea夠可返歸了！
张贴
