臺茶•薈 (已結業)

今日係皇悅酒店開會。開完差不多6:00。係時候搵晚餐食。就係酒店對面。新開咗一間台灣菜。見有位就入去試試。餐廳坐位寬敞坐得舒服。再望望餐牌。食物種類都算多。(樓上還有一層的)魯手撕雞~份量都好大碗，魯肉及手撕雞都好多又配埋椰菜及魯蛋。味道比一般嘅魯肉飯冇咁濃味。所以食落比較冇咁口渴。因為其他餐廳做嘅魯肉飯醬汁好濃，所以每次食完都好口渴。但壹深就唔會。因為壹茶做嘅魯肉比教淡味。台灣紅燒牛肉麵~好大碗，係用咗粗條陽春麵。麵嘅質地好煙靭。廚師控制時間控制得好好。麵唔會太淋或太硬。白蘿蔔及紅蘿蔔又淋又入味。牛腩及牛冇渣唔靭。炸物拚盤~炸墨魚丸/炸雞翼/炸鹽酥雞/台灣香腸（每款2件）。炸墨魚丸裡面係有墨魚粒又彈牙雞翼皮脆保留到肉汁炸鹽酥雞，雞肉清炸漿唔厚台灣香腸，質感好煙靭，跟我食開嘅唔同。好鐘意+$5可以叫飲品冬瓜茶, 第一次飲, 我覺得甜咗少少. 但都可以接受蜂蜜綠茶, 唔錯, 不是太甜甜品叫咗仙草凍~芋圓/地瓜圓/紫薯圓/仙草(即是涼粉) 全部材料都係係台灣入口的. 好煙un今晚餐飯真係抵食. 又唔洗加一.