影片
更多
2017-06-09
57 浏览
自從搬咗去將軍澳之後，已經好少再出旺角食放題，有時真係好想食返夠本，可惜山長水遠，懶得出門。最近上網發現藍田都有一間富田和食亭放題，評價唔差，而且價錢非常抵食。富田放題嘅內容，同旺角嘅不相伯仲，今晚決定黎試吓。呢一區嘅放題日式料理比較少，所以今晚full booking 甘滯。分左時節，七點前入座比較抵，所以我哋6:45已經急不及待咁入咗餐廳。枱面上就已經準備好各種顏色嘅點菜紙，果然種類好多，見到都興奮。Wasabi 同醬油都準備埋，服務唔錯，等食客可以一坐低就即刻點菜。先黎個雜錦刺身先！三文魚、北海道蟹柳、吞拿魚、希靈魚、赤貝、甜大蝦、𩶘魚、八爪魚、北寄貝。。。全部都要！唔使5分鐘，佢哋已經將我地既刺身送過嚟，上菜速度快得驚人，完全冇浪費到我哋嘅時間。抵讚！三文魚、北海道蟹柳同希靈魚係我最中意既刺身。應該係流量快所以夠新鮮、百吃不厭。食完刺身，當然唔會錯過佢哋嘅壽司。花之戀、帶子、赤貝、火焰三文魚、火焰左口魚邊，全部唔夠10分鐘上枱，真係令到食嘅節奏非常暢順，中間冇空餘時間，快靚正！ 帶子、赤貝同花之戀，份量都大大舊！小食方面，我都食咗佢哋嘅枝豆、螺肉同蟹子沙律。呢度非常人性化，所有
最近上網發現藍田都有一間富田和食亭放題，評價唔差，而且價錢非常抵食。
富田放題嘅內容，同旺角嘅不相伯仲，今晚決定黎試吓。
呢一區嘅放題日式料理比較少，所以今晚full booking 甘滯。分左時節，七點前入座比較抵，所以我哋6:45已經急不及待咁入咗餐廳。
枱面上就已經準備好各種顏色嘅點菜紙，果然種類好多，見到都興奮。
Wasabi 同醬油都準備埋，服務唔錯，等食客可以一坐低就即刻點菜。
先黎個雜錦刺身先！
三文魚、北海道蟹柳、吞拿魚、希靈魚、赤貝、甜大蝦、𩶘魚、八爪魚、北寄貝。。。全部都要！
唔使5分鐘，佢哋已經將我地既刺身送過嚟，上菜速度快得驚人，完全冇浪費到我哋嘅時間。抵讚！
三文魚、北海道蟹柳同希靈魚係我最中意既刺身。應該係流量快所以夠新鮮、百吃不厭。
食完刺身，當然唔會錯過佢哋嘅壽司。
花之戀、帶子、赤貝、火焰三文魚、火焰左口魚邊，全部唔夠10分鐘上枱，真係令到食嘅節奏非常暢順，中間冇空餘時間，快靚正！
帶子、赤貝同花之戀，份量都大大舊！
小食方面，我都食咗佢哋嘅枝豆、螺肉同蟹子沙律。
呢度非常人性化，所有份量都是以自己填嘅人數決定大細。所以可以叫少少嚟試吓，唔會食得太飽，又可以試更多嘅種類。
一口牛柳，夠入味，吃完清淡既壽司，最啱用嚟刺激一下味覺。
佢哋嘅天婦羅做得出奇地有水準，不油不膩，剛炸完外皮酥脆，天婦羅蝦、蕃薯都唔錯。
鍾意食串燒嘅朋友，都可以試下佢哋雞軟骨。腸仔係好似燒嘢食嘅蜜糖腸甘。
炸物我幾鍾意佢哋嘅芝士年糕同埋炸紫薯，一甜一鹹，都做得唔錯。
最後既甜品，我最鍾意食嘅就係迷你版豆腐花，食一盒又好似唔夠喉，再加杯雪糕就perfect!
成晚最抵讚就係食物嘅上枱速度非常快，兩個小時食不停，係一般放題少見嘅節奏。
张贴
