牛角日本燒肉專門店 (大埔超級城C區)

营业中

休息中

牛角食唔少，服務態度咁差真係第一次遇到。終於等到疫情解禁，想同朋友慶祝生日，近近地嚟到大埔牛角。事前攞咗飛8:30pm到,都要9:00pm先入到去。10:00關門諗住盡快食，點知等咗20分鐘都係得啲嘢飲同沙律，三催四請終於有牛肉上。食咗30分鐘到9:50pm終於有野菜盛合，我問侍應你而家先上我食唔切，侍應居然話野菜要燒好耐幫你打包拎走啦！其實你遲咗上菜，我都唔會留你好耐，食埋先走居然唔俾，我都係第一次打包生嘅食物。我問侍應，其實你係咪留咗我哋張單？佢居然話冇啲咁嘅事，咁就行咗去，道歉都冇一句。食物已經比出面嘅牛角差，就算咁近我以後都唔會再幫襯呢間牛角。