影片
更多
2020-06-06
148 浏览
今日同朋友去銅鑼灣試咗一間號稱好好味嘅酸菜魚，本人自問食過最好食嘅酸菜魚就喺內地，香港好食嘅酸菜魚真係不多。餐廳都好就腳，就喺銅鑼灣F出口直行5分鐘左右就到。餐廳裝修不是十分華麗，但是空間感就十分充足，枱與枱之間相隔距離都好舒服，連窗口玻璃位置都有做到裝飾嘅廣告板，呢一點要讚一讚。今晚係星期二，都見到有十個八個人喺度等位，閒日都似好多人捧場。講返張餐牌，酸菜魚一般來講都偏向簡單，佢呢度既酸菜魚都有大中細份，辣嘅程度都有得俾你揀，都好貼心。簡單嘅餐牌只係印咗底面兩版，面頭嘅就係酸菜魚部份再加上一啲配菜，後邊就係一啲涼拌嘅小食或者係辣辣地嘅小食為主，跟住就到飲品，簡單得來應有嘅嘢都有齊晒。主菜我哋叫咗二人份量，小辣嘅酸菜魚，配菜方面我同朋友都係傾向揀一啲比較吸味嘅配菜，例如土豆片，寬粉，清筍片，同埋金針菇，呢啲配菜通常配合埋酸菜魚嘅魚湯底會顯得特別好味。一如既往成份酸菜魚上台時都係會令你話一聲，因為酸菜魚個碟實在太大了，上碟嘅時候，好香嘅魚湯再加上麻辣味已經飛撲埋個鼻度，食任何野之前首先即刻試咗啖湯先，但湯好強烈嘅川菜麻辣味，好香但係又唔會好辣，食得出湯底有好濃嘅魚味，亦都有悉心加上過唔同
餐廳裝修不是十分華麗，但是空間感就十分充足，枱與枱之間相隔距離都好舒服，連窗口玻璃位置都有做到裝飾嘅廣告板，呢一點要讚一讚。
今晚係星期二，都見到有十個八個人喺度等位，閒日都似好多人捧場。
講返張餐牌，酸菜魚一般來講都偏向簡單，佢呢度既酸菜魚都有大中細份，辣嘅程度都有得俾你揀，都好貼心。簡單嘅餐牌只係印咗底面兩版，面頭嘅就係酸菜魚部份再加上一啲配菜，後邊就係一啲涼拌嘅小食或者係辣辣地嘅小食為主，跟住就到飲品，簡單得來應有嘅嘢都有齊晒。主菜我哋叫咗二人份量，小辣嘅酸菜魚，配菜方面我同朋友都係傾向揀一啲比較吸味嘅配菜，例如土豆片，寬粉，清筍片，同埋金針菇，呢啲配菜通常配合埋酸菜魚嘅魚湯底會顯得特別好味。
一如既往成份酸菜魚上台時都係會令你話一聲，因為酸菜魚個碟實在太大了，上碟嘅時候，好香嘅魚湯再加上麻辣味已經飛撲埋個鼻度，食任何野之前首先即刻試咗啖湯先，但湯好強烈嘅川菜麻辣味，好香但係又唔會好辣，食得出湯底有好濃嘅魚味，亦都有悉心加上過唔同嘅辣椒，例如指天椒乾，泡椒，花椒，同埋青胡椒粒，咁多種辣椒加埋一齊嘅味道實在十分濃厚，可以話真真正正嘅香而不會太辣。魚片方都係十分新鮮，爽口香滑，至於另一主角酸菜，呢間餐廳就好慷慨地俾咗好多好多酸菜配落個酸菜魚度，酸菜食上口顯得十分爽脆，顯然師傅應該有事先將酸菜炒香炒至乾身，令食落口更加爽脆有口感，酸菜唔會太酸亦都唔會太鹹或太淡，會令人好想一啖又一啖咁追住食落去。
至於其他嘅配菜的而且確係好味，配上魚湯之後顯得特別好味。呢度嘅用餐基本上兩個人食如果唔係太大食嘅話，叫少少配菜基本上都一定夠飽，稍為如果要食啲澱粉質嘅朋友可以考慮叫多一碗白飯賠償魚湯度，應該會顯得好送飯好好味。
除咗主角與之外我哋應我亦都叫咗兩份小食或者叫餸，一份係泡椒浸雞腳，有別於一般砂礓雞腳或者油鹽水雞腳，呢個雞腳係用咗泡椒去整，泡椒獨特嘅香味同雞腳係好好嘅配搭，泡椒唔會好似一般辣椒一味淨係得個辣字，佢有獨特嘅香味配上雞腳，雞腳更加顯得有味道。
另外一份餸就係避風塘魚塊，避風塘魚塊顧名思義有好多乾嘅辣椒，炸蒜，所以食起上嚟既有避風塘嗰種鹹香蒜香，亦都有少少辣椒乾嘅味道去刺激一下味覺，魚塊好嫩滑，處理得好嘅地方就係魚塊亦都有走一走有油，令到食落口更加脆口有咬口，配埋避風塘嘅蒜的確十分野味，送飯一流。
整體來講呢間酸菜魚係香港地算係非常高質素嘅酸菜魚，因為佢嘅靈魂酸菜，再加上魚湯味道做得十分出色，淨係用上咁多種唔同辣椒陪襯出嚟嘅味道已經好令人回味成碟酸菜魚，未試過嘅朋友絕對值得一試。
张贴
