Beefar's 鹿兒島燒肉

营业中

休息中

牛肋肉盛合($358)特上牛肋肉，油脂味最濃，在口腔油份最重，牛味則較輕微。上等牛肋肉，同樣有油脂既香味，但油份冇特上牛肋肉咁濃郁，但肉質食到有牛味。牛肋肉，油脂相對較少，但牛味好重。每片牛肉只需每邊燒幾秒就可以，三款唔同級數既牛肋肉，個人最鐘意當然係特上級別，牛肉入口有溶化既感覺。鹽蔥牛舌包($148)，厚切牛舌，開中心釀入蔥粒，都係一種創新食法，因為牛舌有一定厚度所以燒既時間要耐一d，而且有機會出現外邊熟，裏面仍然呈鮮紅色，要將開口位置向下讓火可以燒到中心裏面，但就會掉左部分蔥粒出黎，味道方面，有油脂香味，而且食落好爽口有咀嚼口感。