雲貴風正宗雲南米線 (已結業)

雖然每次食都覺得好咸，但每2-3日就想再食，我初初去屯門總店感覺好污糟好迫，但食物好味又熱又大碗，後來因為去屯門實在唔方便所以嚟元朗分店試，第一次個侍應廣東話好差係咁問我要唔要我聽咗3次先知係我落單時話走韮菜同芽菜，碗麵嚟到無走呢兩樣配菜，第二次個侍應我好慢講咗3次酸辣米線加鹵水雞同豬腸走韮菜芽菜要肉碎，佢重複問咗4-5次，新人唔習慣大家可以體諒，今次煮出嚟碗麵無錯了，元朗店面整潔整齊坐位寬敞，食物質素跟屯門店相差不大，都係好咸，咸得嚟都好食，碗麵份量比屯門店少一點，但都夠飽，希望佢侍應有所改善，我會繼續支持！