Home A Day (已搬遷) 新店位置

有日搭叮叮車嘅時候，剛好經過上環永安百貨，見斜對面有一間cafe, 粉色系列吸引到我注意。今晚剛好在上環開完會，心思思走來試吓。特濃生椰拿鐵平時不太喜歡拿鐵，怕奶太多太甜膩。呢個不會太甜，反而帶有咖啡應有甘苦嘅味道，加入椰子片，令味道提升了，又有嚼口。芝士青蘋果紅桑子田園沙律賣相，顏色，配搭已經另我心動。翠綠菜蔬，新鮮水果，配上芝士和蜜糖油醋醬，開胃前菜。冬陰公海鮮忌廉長通粉青口，蝦，帶子，真材實料，鮮美。冬陰公忌亷汁辣度恰到好處，長通粉吸收晒精華，惹味十足，一口接一口，停不了。