O WOW (已結業)

朋友介紹話上環開咗間西餐廳質素唔錯，lunch仲好抵食，於是今日就去幫襯吓。一見到嗰menu，見到啲價錢我唔敢相信，平時係銅鑼灣食個意粉點都要近百，呢度竟然只需78蚊！加35蚊就可以要湯/薯條同飲品，真係算好抵。今日點咗我最愛嘅 carbonara，蕃茄湯同冷泡茶。🥣蕃茄湯：碗湯係好似茄蓉咁rich，就好似就咁blend 咗個蕃茄咁濃，酸度非常適中，好refreshing。另一個重點係佢非常夠熱，呢個係好多餐廳都做唔到，要大讚💯。🍝Carbonara: 即叫即煮嘅意粉，坐係chef table就可以睇到大廚點樣精心準備食物，因為飲咗湯開咗胃，見住大廚煮就越想快啲食。個醬汁嘅質地係較light，唔會膩。有時食carbonara時，一凍咗個醬就會開始變得好sticky，但呢碟唔會，所有唔覺唔覺就會食晒。煙肉切成細條狀，味道會突出啲同埋口感好好。食物份量都多，性價比高。🧉冷泡茶都唔可以忽視，荔枝味好香！因為係枝裝嘅關係，飲唔晒就可以攞走。食物質素佳 👍🏻+ 好夠熱 🔥+ 價錢實惠🤑，呢個lunch令我好滿足，有機會想試吓dinner menu。