::: 超級熱狗加Mozzarella + 凍檸檬茶 ::: $29 + $3
超級熱狗雖然細細隻, 但餡料都幾豐富. 有熱狗腸之外仲有番茄片, 再加埋茄汁同半溶嘅芝士~ 不過條熱狗腸就細條咗d, 勝在其他配料豐富, 食落都幾好味.
凍檸檬茶大大杯夠晒冰凍, 唔錯.
1
::: 黑菇漢堡飽 + 香脆薯角 + 凍奶茶 ::: $30 + $10 + $3
黑菇漢堡飽都幾特別, 餡料有生菜絲、漢堡扒同菇片咁. 但有d奇怪佢係用豬仔包, 口感比較硬, 塊漢堡扒肉質唔太juicy, 加上個飽醬汁唔多, 成個飽食落有d乾. 呢個包只係一般. 跟漢堡飽仲有一份鮮果沙律, 有蘋果、紅腰豆同一d罐頭生果, 都係一貫港式茶餐廳風格, 普普通通啦.
加$10要嘅香脆薯角反而幾好味~ 由新鮮薯仔連皮切塊, 整得香脆又唔油, 仲有茄汁同芥末沙律醬比你點, 呢個好味!
凍奶茶要求咗少甜少冰, 呢到算勉強做到啦~ 都ok.
1
1
呢間食店地方細細都係走街坊路線, 不過叫做其他食店唔開得佢開所以都幾多人嚟食. 整體水準都係一般啦, 應該都無乜機會再嚟食.
