海安咖啡室

今次要介紹係呢間位於上環50年代就經營嘅茶餐廳，而家吸引好多人慕名而來一睹佢嘅風采😋😋我都唔例外！

之前食過粒粒西多士同埋菠蘿油，真係好好食！菠蘿油嘅牛油大大塊，性價比高！粒粒西多士整得甘香鬆脆！不過今次要介紹嘅係雞翼滷水蛋撈麵茶餐，真係好好食。$48配熱飲！

撈麵入面嘅滷水蛋簡直就係精華，可以媲美傳統涼茶鋪嘅滷水蛋。下次再來一定要食叉燒麵，啲叉燒十足十食神入面嘅暗然銷魂飯嘅叉燒。順帶一提整個裝修同紅枱紅桌十分好打咭啊！

$50