揀得啱車仔麵 (已結業)

今日收工係上環，口淡淡想食辣野😋，記得同事講有間叫揀得啱車仔麵既辣好特別，就去試試，係地鐵站附近，非常就腳👍🏻鋪面新淨，整潔，夠光猛，比人一個好舒適既環境，重有D特別又抵死既字句😂車仔麵款色都好多餸簡，佢重好貼心有選定車仔麵你簡，啱晒D有選擇困難既人，仲有見到佢既下午茶套餐改D名非常吸引😂😂最後我叫左蘿蔔，牛腩條，豬大腸🐷，豬皮，豬紅，當然唔少得既205辣醬，小食叫左醉雞翼同鴨血。205辣醬好香，好夠辣（見到門口有個嚴重警告，只敢少辣試試😂）個辣醬點餸同撈落湯到都香味無減一樣咁正👍🏻，另外牛腩條比到驚喜我，非常淋同嫩滑，仲要keep到咬口，無得彈，豬皮爽，吸曬205辣醬同湯，滋味無窮醉雞翼，有清香既酒味，酒味唔會搶左雞既味道，整得唔錯。鴨血賣相好靚，食落評分都幾高，重重既香辣味，夾落唔易散，有咬口😋鋪頭收夜晚9點，款式多又好食，係得呢D打工仔收工食飯既恩物，價錢唔算貴，性價比高，中上環晚飯好去處，就算星期六日放假黎食好西都係唔錯既選擇😋見佢有個新套餐，雖然今次食唔到，但好快一定會去試下