陳勤記鹵鵝飯店 (已結業)

係上環返工都有兩個禮拜，大鄉里初出城，緊係以為呢度食午飯貴到唔捨得食，細心搵下，原來都唔係間間賣貴野，都有正常價位既餐廳，今次呢間就係其中一個例子。同另一個新同事誤打誤撞黎左呢間陳勤記，入到去環境唔大，但有古樸風格，感覺都幾舒服，後來先發現原來以前唔係咁既裝潢，大裝修過一次先變成宜家咁。我地係食午餐，各自叫左碗面，分別係雲吞麵同魚蛋麵加底。另外，同事仲追加一碟炸魚皮，我就加左杯凍奶茶。呢玩就係我加左底既魚蛋麵，正價32，加底加8蚊岩岩好40再加5蚊有杯凍奶茶，盛惠45元正，唔算太貴。味道方面，湯底頗鮮但略咸，麵線爽口，魚蛋魚片普普通通，唔算彈牙爽口，不過不失。