Lassana Coffee (邦暉大樓) (已結業)

聽聞呢間餐廳好多打卡位，今日難得出到中上環，當然要去chill返下♥️♥️👍🏻照燒原條鰻魚意大利麵一上枱完全要用驚艷去形容(⁎⁍̴̛ᴗ⁍̴̛⁎)鰻魚超大條又夠厚身，搭配照燒汁同洋蔥絲，味道好夾，意粉軟硬適中，份量絕不戲場。👍🏻全日早餐嚟到一間打卡嘅餐廳，當然要點一款打卡菜。大大盤圍繞着牛角包、炒蛋、薯餅、香腸、煙肉、茄汁豆、黑醋沙律。炒蛋都幾滑，煙肉油份不過量，牛角包微酥。👍🏻自家製窩夫配焦糖香蕉一碟四件，賣相一流。窩夫外脆內鬆軟，口感極佳，旁邊的香蕉薄脆得來又香甜，一口窩夫一口雪糕，口腔裏冰火交融！朱古力雪糕用上貴價品牌，啖啖邪惡又滋味。👍🏻雜莓鐵觀音面頭有一層雜莓打成嘅沙冰，漸層得好靚，酸酸甜甜得來帶點茶香，完全係輕盈之選。👍🏻雲呢拿有機伯爵奶茶一上枱真係嘩咗一聲，咖啡師好用心地拉咗一個貓貓圖案，飲落去雲呢拿勁香，奶茶順滑，始終係西方嘅奶味Style，茶味不重身，餘韻帶點伯爵的清香。💡餐廳環境用心佈置，盡是打卡位，記住帶定相機影返幾輯靚相。👍🏻👍🏻餐廳雖然係開放式廚房，但係油煙味一啲都唔重。