影片
更多
2022-09-08
41 浏览
近年中上環一帶開咗好多新 Café，各類風格應有盡有。最近就同朋友到訪了這間以省略號命名嘅人氣咖啡廳「Ellipsis Café & Lounge」。餐廳嘅地理位置十分優越，座落於干諾道西一幢精品辦公大樓內，既接連繁華嘅金融區，亦鄰近各個歷史文化景觀。餐廳面積超過 2000呎，樓底特高，店內嘅佈置亦好有特色，以落地大玻璃窗作設計，環境光猛開揚，可盡覽 270 度維港景色，配上水泥工業牆、香檳金吊燈和銅色木系檯凳，裝潢時尚又不失格調。餐廳主打咖啡及輕食類美食，有全日早餐、多士、意粉、牛角包及曲奇等供應。Ellipsis Breakfast ($148) 係餐廳嘅招牌作，一場嚟到，當然唔可以錯過。全日早餐用料好豐富，有沙律菜、車厘茄、牛油果、大啡菇丶茄汁豆、香腸、煙肉、酸種麵包同黑松露炒蛋，加上擺碟精緻，真係人見人愛。牛油果切成薄片，入口熟度剛好，軟綿 Creamy；而炒蛋亦炒得非常嫩滑，黑松露量下得毫不小器，配上帶果酸香氣嘅酸種包，飽肚又滿足，絕對值得一試！另外呢客 Mushroom Pasta with Garlic ($118) 亦煮得啱啱好，軟硬適中，送上時蒜香味撲鼻而來，Al
近年中上環一帶開咗好多新 Café，各類風格應有盡有。最近就同朋友到訪了這間以省略號命名嘅人氣咖啡廳「Ellipsis Café & Lounge」。
餐廳嘅地理位置十分優越，座落於干諾道西一幢精品辦公大樓內，既接連繁華嘅金融區，亦鄰近各個歷史文化景觀。
餐廳面積超過 2000呎，樓底特高，店內嘅佈置亦好有特色，以落地大玻璃窗作設計，環境光猛開揚，可盡覽 270 度維港景色，配上水泥工業牆、香檳金吊燈和銅色木系檯凳，裝潢時尚又不失格調。
餐廳主打咖啡及輕食類美食，有全日早餐、多士、意粉、牛角包及曲奇等供應。Ellipsis Breakfast ($148) 係餐廳嘅招牌作，一場嚟到，當然唔可以錯過。
全日早餐用料好豐富，有沙律菜、車厘茄、牛油果、大啡菇丶茄汁豆、香腸、煙肉、酸種麵包同黑松露炒蛋，加上擺碟精緻，真係人見人愛。
牛油果切成薄片，入口熟度剛好，軟綿 Creamy；而炒蛋亦炒得非常嫩滑，黑松露量下得毫不小器，配上帶果酸香氣嘅酸種包，飽肚又滿足，絕對值得一試！
另外呢客 Mushroom Pasta with Garlic ($118) 亦煮得啱啱好，軟硬適中，送上時蒜香味撲鼻而來，Al dente 嘅意粉吸滿了蒜蓉同香菇嘅精華，啖啖滋味！
甜品有 Affogato、梳乎厘奄列，牛角包窩夫及是日蛋糕可供選擇，點咗客近期大熱嘅 Croffle with Ice-Cream ($128)。
窩夫以圓碟盛上，旁邊伴以雲呢拿雪糕、藍莓及士多啤梨，而面頭更淋上了甜絲絲嘅朱古力醬，賣相非常「IG-able」，入口夠酥脆又煙韌，富強烈牛油香！
飲品點咗杯Latte ($45) 同 可樂 ($28)，咖啡味道好香濃，醇厚順喉，據說咖啡豆係以哥倫比亞豆、巴西豆及薩爾瓦多豆混成，唔怪得飲落帶陣陣果仁香。
张贴
