🍶 清酒煮蜆
呢度嘅清酒煮蜆絕對係必點之選！一打開鍋蓋，肥美飽滿嘅蜆肉，隻隻吸滿清酒嘅甜香同海洋嘅鮮味，入口軟嫩多汁，個湯汁仲係精華所在，鮮甜到忍唔住要飲晒佢！
🔥 燒三文魚腩
燒三文魚腩火候控制得啱啱好，魚皮燒到香脆，魚肉依然保持嫩滑，魚油豐腴甘香，配上少少鹽燒調味，簡單就帶出三文魚嘅原汁原味。
🍲 味噌牡蠣土手鍋
天氣凍凍哋，最啱食返個暖笠笠嘅「土手鍋」！師傅會將濃郁嘅味噌醬塗喺鍋邊，煮嘅時候味噌會慢慢融入昆布高湯入面，越煮越香濃。入面嘅廣島蠔飽滿鮮甜，再配埋時令蔬菜同豆腐，滋補又滿足。
🍣 海膽軍艦壽司
最後當然唔少得嚟一客海膽軍艦壽司！海膽入口有濃郁海洋甜味，口感軟滑入口即化。
鮨政食物有水準，居酒屋氣氛濃厚。星期五收工想夜少少喺上環搵個聚腳地？！鮨政絕對係個好選擇！
