鳴越越式料理 (已結業)

嚟到上環附近唔熟路，唔太知附近有咩食，就求其搵咗間越式野嚟食，發現又幾有驚喜喎👍🏻 要行落地庫先係餐廳，但比起一般街舖空間較大，坐得寬敞，唔似一般茶記坐得逼又嘈吵。 食物就係一般常見越南野，但不乏小炒。 原隻軟殼蟹撈檬，檬粉同軟殼蟹份量都幾大，味道尚可。 網鳳尾蝦春卷湯檬，湯檬爽口。春卷剛炸，配搭埋生菜一齊食都幾fresh，單獨食略油。份量仍然好足，上環區嚟講應該算幾平。 薯絲蝦卷，賣相幾靚。食落脆口，要嚟送湯粉一流，冇咁dry。 加多左杯龍眼冰同椰汁紅豆冰，一貫水準！