浦和日本料理 (已結業)

上星期已經見到上環開咗間日本料理(浦和日本料亭),每日都好想去試吓,但每次經過都見到好多人等位(因為係lunch時間),心諗~~咁多人,實有排等啦,因為我地得1個鐘頭食晏,咁等法仲使食咩,今日終於忍唔住,咪早d打電話去訂定位啦,點知聽電話果位小姐話:lunch時間不設訂枱,但佢話餐廳地方大,就算要等位都唔使等好耐,基於同事們都好想去,咁就即本去試吓啦!!! 我們一行6人,1:10去到,門口果然等哂位,心諗係咪真係會好快ga,不到5分鐘就有位,真係冇騙我地落到樓下果然地方好大,環境舒適,好有日本feel,定食套餐選擇多,(太多選擇都唔知叫咩好啦)價錢唔太貴,最終我都係叫咗壽司餐,我覺得食日本野梗要食壽司嘅,同事們分別叫咗刺身定食、鹽燒鯖魚定食、日式鍋仔烏冬及燒牛肉定食,唔使15分鐘d食物都到齊,都算幾快啦....我食嘅壽司餐有10件壽司,size適中,魚生新鮮,水準都唔錯,但下次我一定會食刺身定食,因為有我至愛嘅海膽,感覺上有埋海膽好似抵食d....哈...哈...哈同事嘅鍋仔烏冬都好似唔錯,d烏冬同出邊食開果d唔同d,煙刃好多,下次都會再試吓.....我諗我地以後食晏唔使咁煩唔知食咩